АҚШ Афғонистонда "Ал-Қоида" бўлими етакчиларига зарба берди

Фото: © AFP

Пентагон учувчисиз парвоз қурилмалари ёрдамида Афғонистон шимолида "Ал-Қоида" бўлими етакчиси Фарук ал-Қатанийга зарба берилганини маълум қилди. Бу ҳақда хорижий ОАВ хабар бермоқда.

Таъкидланишича, зарбага ал-Қатанийнинг ўринбосари ҳам учраган. Бироқ америкалик ҳарбийлар террорчилар ўлганини тасдиқлай олмасликларини айтганлар. Айни вақтда Пентагон зарбалар натижаларини баҳоламоқда.

Ал-Қатаний Қатар фуқароси ҳисобланади. Шу йилнинг февралида АҚШ уни Европа ва АҚШга фитна уюштиришда иштирок этишда айблаб, энг кўп қидирилувчи террорчилар рўйхатига киритганди.

Тайёрлаган: Шуҳрат Раҳимов

#Афғонистон #Ал-қоида