Ироқ ҳарбийлари Мўсулдаги телемарказни ИШИД жангариларидан озод этишди

Фото: © AFP

Ироқ ҳарбийлари Мўсул шарқида жойлашган давлат телерадиокомпаниясининг биносини ИШИД жангариларидан озод қилди. Бу ҳақда Ироқ армиясидаги манбага асосланиб, "Ас-Сумария" телеканали хабар бермоқда.

ОАВ маълумотига кўра, телемарказ Кокжали туманида жойлашган. “Рейтер” агентлигининг маълум қилишича, бу Мўсулни озод этиш операцияси бошлангандан бери ИШИД учун ўта муҳим бинолардан бири ҳисобланган.

Аввалроқ мамлакат армияси унинг аксилтеррор бўлинмаси шаҳарнинг шарқида жойлашган Аль-Карама туманига кирганлигини маълум қилган эди. Шунингдек, Кокжали квартали ИШИД жангариларидан буткул тозалангани ҳақида ҳам хабар берилган.

#Ироқ #ИШИД #Мўсул

Kun.uz янгиликларини Google News'да кузатинг

+ Обуна бўлиш