Samsung компанияси Galaxy S8 учун рақамли ёрдамчи ишлатмоқда

Фото: Reuters

Samsung компанияси Galaxy S8 смартфони учун Viv Labs компаниясининг Viv ёрдамчисини ишлатмоқда, деб хабар бермоқда Reuters ахборот агентлиги.

Бундан ташқари, компания Viv’га уй техникаси ва тақиб юрилувчи қурилмаларни улашни кўзда тутган.

"Дастурчилар ўз сервисларини бизнинг агентга улашлари ва уларни унга юклашлари мумкин. Samsung буни ўзи қилмасада, агентга қанчалик кўп сервис уланса, у шунчалик ақлли бўлади", деб айтди компания ижрочи вице-президенти Ин Йонг Ри.

Viv четки дастурларни ҳам қўллай олади.

Тахмин қилинишича, Galaxy S8 2017 йил бошида сотувга чиқарилади.