Фото: Facebook
Аляска штатининг Уналаклит шаҳрида истиқомат қилувчи Жефф Эриксон ўзининг ижтимоий тармоқлардаги саҳифаларида дарёда музлаб қолган лосларнинг суратларини намойиш қилди.
Суратлардан кўринишича, жониворлар сувдалигида шохларини бир-биридан уза олмаган ва сувдан чиқа олмаган. Улар тез орада шу ҳолатда музлаб қолган.
Бу суратлар The Alaska Life нашрининг диққатини ўзига қаратди ва «табиатнинг шафқатсизлиги» эслатиб ўтилди.
Эриксон кейинроқ бу лослар жасади музлаган сувдан олиб чиқилгани ҳақида хабар берган.
