Украина миллий полицияси бошлиғи Хатия Деканоидзе лавозимини тарк этиши ҳақида маълум қилди. Бу ҳақда УНИАН хабар тарқатган.
«Мен ваъда берганимдек 1 йил давомида янги миллий полиция учун асос қурдим. Аммо, афсуслар бўлсинки, менинг ваколатларим муҳим ўзгаришлар амалга ошириш учун етарли эмас. Менинг вазифам якунланди, шу туфайли истеъфо бераман», — деган у.
Деканоидзе яқин вақт ичида миллий полицияга янги раҳбар топиш учун очиқ танлов ўтказилишини маълум қилган.
Бундан олдинроқ Львов суди украин тилига эътиборсизлиги учун Деканоидзени жавобгарликка тортишга қарор қилгани ҳақида хабар берилганди.
