Кобулда масжид портлатилиши оқибатида ҳалок бўлганлар 32 нафарни ташкил қилмоқда
Афғонистон пойтахти Кобул туманларидан бирида жойлашган масжиднинг портлатилиши оқибатида ҳалок бўлганлар сони 32 нафарга етди, 50 дан кўпроқ одам жароҳат олган, деб айтилмоқда БМТнинг Афғонистондаги миссияси баёнотида.
Аввалроқ 27 киши ҳалок бўлгани ва 35 киши яралангани маълум қилинганди.
Портлаш 21 ноябрда Дар ул-Аман туманида кундузи содир этилган. Террорчи-худкуш масжид ичида портловчи қурилмани ҳаракатга келтирган. Таъкидланишича, террорчи шиаларни нишонга олган.
"БМТнинг Афғонистондаги миссияси Кобулдаги Бакир ул-Улом масжидига қилинган ҳужумни қоралайди. Ҳужум оқибатида камида 32 киши ҳалок бўлган, 50 дан кўпроқ киши яраланган, улардан кўпи болалардир", дейилган миссия сайтида чоп этилган хабарда.
Портлаш учун жавобгарликни ҳозирча ҳеч қайси гуруҳ ўз зиммасига олмаган. TOLO News телеканалининг маълум қилишича, "Толибон" ҳаракатининг вакилларидан бири гуруҳнинг бу терактга алоқаси йўқлигини айтган.
Мавзуга оид
10:06 / 12.09.2024
Самарқандда газ портлаган «дом» аҳолиси эвакуация қилинмоқда
20:52 / 30.08.2024
Германияда Украина учун қурол ишлаб чиқарадиган Diehl компанияси заводида портлаш содир бўлди
17:08 / 30.08.2024
Тошкентдаги Мулла Холмирза ота масжиди замонавий кўринишда қайта қурилмоқда
00:20 / 25.08.2024