Ханти-Мансийскдаги автоҳалокатга учраган болалардан 16 нафарининг аҳволи оғир қолмоқда

Фото: © Fotolia/ Tom Wang

Россиянинг Ханти-Мансийск мухтор округида йирик йўл-транспорт ҳодисасига тушган болалардан 16 нафарининг аҳволи оғир қолмоқда, деб маълум қилди РИА “Новости” ахборот агентлиги.

4 декабрда Тюмень-Ханти-Мансийск трассасида автобус, юк машинаси ва иккита енгил машина тўқнашиб кетган. Тўқнашув оқибатида 12 киши, жумладан 10 бола ҳалок бўлган. Автобусда Ханти-Мансийскдан Нефтеюганскга акробатика бўйича мусобақалардан қайтаётган болалар жамоаси бўлган.

Россия Фавқулодда вазиятлар вазирлигининг Ураль минтақавий маркази маълумотларига кўра, шифохонага 20 бола ётқазилган.