Санкт-Петербургнинг «Зенит» клубида ўзбекистонлик футболчи пайдо бўлиши мумкин.
Маълумотларга кўра, питерликлар «Насаф» клуби яримҳимоячиси Азиз Ғаниевга қизиқиш билдирмоқда.
Яқинда ўтган Осиё чемпионатида Ўзбекистон ёшлар терма жамоаси таркибида тўп сурган футболчи «Зенит» скаутлари эътиборига тушган. Айни вақтда футболчи трансфери бўйича музокаралар олиб борилмоқда.
Азиз Ғаниев «Насаф»нинг жорий мавсумдаги Олий Лига ўйинларида 17 бор кўриниш берган. Шулардан 11 тасида учрашувни бошланғич таркибда бошлаган.
Маълумот учун, Россия Премьер-Лигасида Ўзбекистон миллий терма жамоасининг 3 аъзоси тўп суради: Одил Аҳмедов («Краснодар»), Виталий Денисов («Локомотив»), Вадим Афонин («Оренбург»).
