Таиланддаги тошқин сабаб 14 киши ҳалок бўлди
Таиланднинг жанубий провинцияларида сўнгги ҳафта мобайнида содир бўлган тошқинлар 14 кишининг умрига зомин бўлди. Бу ҳақда қиролликнинг ички ишлар вазирлиги хабар бермоқда. Аввалроқ қурбонлар сони 11 киши эканлиги айтилган эди.
ИИВ маълумотига кўра, табиий офат 600 мингга яқин аҳоли яшайдиган туманларга ёпирилган. 11та провинциядаги 100га яқин маъмурий марказларда фавқулодда ҳолат эълон қилинган. Улар орасида сайёҳлик йўналишида машҳур бўлган Самуи ва Пханган ороллари ҳам бор. Гувоҳларнинг сўзларига кўра, Самауи оролида Таиланддаги энг ҳашаматли курортлар жойлашган бўлиб, айни дамда у ерни сув босган, айрим жойларда электр таъминоти узилган, автоуловлар ҳаракати тўхтатилган.
5 декабрь куни табиий офат оқибатида Таиланднинг жануби билан боғлаб турувчи темир йўл ҳаракати ишдан чиққан. Накхонситхаммарат провинциясига олиб борувчи йўл сув остида қолган.
Мавзуга оид
15:29
Таиландда амалдор 10 йил ишга бормасдан маош олиб келгани аниқланди
09:58 / 20.09.2024
Икки талаба Финландиядан орол сотиб олди. Бу АҚШдаги уйдан арзонроққа тушди
23:17 / 19.09.2024
Таиландда питон чангалида қолиб кетган аёл икки соатдан кейин қутқариб олинди
21:11 / 17.09.2024