Honda ўзининг ҳайдовчисиз бошқариладиган машинасини тайёрламоқда

2017 йилнинг 5-8 январь кунлари Лас-Вегасда ўтадиган маиший электроника халқаро кўргазмасида Япониянинг Honda корпорацияси ўзининг ҳайдовчисиз бошқариладиган электр транспорт воситасини тақдим этади.

Автоном автомобилда илк бор Emotion Engine технологияси қўлланилган. У Honda ва SoftBank япон медиакорпорацияси билан ҳамкорликда ишланган. Янги ишланма одамлар ва транспорт воситалари ўртасида ўзаро ҳаракатда янги имкониятлар тақдим этади, дейилади компания релизида.

“Хонда”нинг Лас-Вегасдаги матбуот анжумани 2017 йилнинг 5 январь куни бўлиб ўтади. Унда компания президенти ва бош ижрочи директори Йошиоки Мацумото иштирок этади.