Рақиблари очко йўқотган турда «Бавария» йирик ҳисобда ғалаба қозониб, биринчи ўринга кўтарилди

Германия чемпионатида 14-тур ўйинлари давом этмоқда. «Бавария» ўз майдонида «Вольфсбург» клубини қабул қилди.

Мюнхенликлар учрашувда катта ташаббусга эга бўлиб, рақибни йирик ҳисобда мағлуб этишди - 5:0.

Мюнхенликлар жамоаси таркибида голларга Арьен Роббен, Томас Мюллер, Дуглас Коста ва Роберт Левандовски муаллифлик қилди. Польшалик ҳужумчи клуб фаолиятидаги 200-голини нишонлади.

Бу ғалаба эвазига «Бавария» чемпионат турнир жадвалида қўшимча кўрсаткичларга кўра «РБ Лейпциг»ни қувиб ўтди. Лейпцигликлар «Ингольштадт»га қарши ўйинда ютқазиб, мавсумдаги илк мағлубиятини қабул қилиб олди. 

Эндиликда Бундеслиганинг икки етакчиси 33 очкодан тўплаган, аммо баварияликлар урилган ва ўтказиб юборилган голлар нисбатига кўра олдинда.

Қолган учрашувларда «Ҳамбург» «Аугсбург»ни, «Фрайбург» эса «Дармштадт»ни бир хилда, 1:0 ҳисоблари билан енгди.

Бавария – Вольфсбург 5:0
Голлар: 1:0 – 18 Роббен, 2:0 – 22 Левандовски, 3:0 – 58 Левандовски, 4:0 – 76 Мюллер, 5:0 – 86 Дуглас Коста.
Бавария – Нойер, Мартинес, Бернат, Алаба, Роббен, Лам, Видаль (Хаби Алонсо, 71), Алькантара (Рафинья, 81), Рибери (Дуглас Коста, 77), Мюллер, Левандовски.
Вольфсбург – Бенальо, Кнохе, Брума, Шефер (Хорн, 22), Родригес, Калиджури, Блашчиковски (Виейринья, 83), Гилавоги, Герхардт, Майораль (Мебиус, 61), Гомес.
Огоҳлантиришлар: Алькантара (25).

Ҳамбург – Аугсбург 1:0
Гол: 1:0 – 68 Костич.
Гамбург – Матения, Джуру, Остжолек, Дуглас Сантос, Сакаи, Грегорич (Вуд, 67), Юнг, Ҳолтби, Мюллер (Спахич, 89), Костич (Экдаль, 85), Дикмайер.
Аугсбург – Хитц, Хинтереггер, Янкер, Стафилидис (Гу Чжа Чхоль, 82), Макс (Усами, 69), Кор, Байер, Халил Алтынтоп (Качар, 69), Шмид, Верхаг, Чжи Дон Вон.
Огоҳлантиришлар: Хинтереггер (23), Шмид (46), Кор (57), Журу (62), Стафилидис (74).
Четлатиш: Холтби (44), Кор (66).

Фрайбург – Дармштадт 1:0
Гол: 1:0 – 86, пенальти Петерсен.
Фрайбург – Шволов, Сеюнджю, Гульде, Гюнтер, Штенцель, Хаберер (Петерсен, 63), Шустер, Грифо, Франтц, Кюблер (Хефлер, 46), Нидерлехнер (Нильсен, 90).
Дармштадт – Эссер, Сулу, Холланд (Штро-Энгель, 88), Федецкий, Сиригу, Гондорф, Вранчич, Розенталь (Кляйнхайслер, 72), Нимайер, Хеллер, Шипплок (Безяк, 81).
Огоҳлантиришлар: Шустер (10), Вранчич (23), Штенцель (38), Шипплок (42), Хефлер (61), Гондорф (84), Эссер (85).