Қозоғистонда бош прокуратура биносида ўзига ўт қўйган аёл вафот этди

Остона шаҳрида Қозоғистон бош прокуратураси биноси ёнида ўзига ўт қўйган аёл Майра Рисманова вафот этди. Бу ҳақда Tengrinews.kz агентлиги хабар берган.
 
Яқинларининг сўзларига кўра, аёлни даволовчи шифокор 14 декабрь куни қўнғироқ қилиб, унинг ўлими ҳақида маълум қилган.

Эслатиб ўтамиз, 48 ёшли Майра Рисманова 6 декабрь куни касалхонага олиб келинганди. Ўша куни у Остонадаги республика бош прокуратураси биноси ичига кириб, ўзига ўт қўйган. Маҳкамадан маълум қилишларича, аёл суднинг ўғли иши бўйича қароридан норози бўлиб шундай ишни амалга оширган.