Қозоғистонда Facebook ва YouTube ишламай қолди

16 декабрда Қозоғистоннинг бутун ҳудуди бўйлаб оммавий хорижий интернет-сервислар ишламай қолди. Бу ҳақда Tjournal хабар бермоқда.

Жумладан, Facebook, Google, Instagram ва YouTube сервислари ишламаяпти. Бу сервисларнинг тўсатдан тўсилиши сабаби номаълумлигича қолмоқда. Қозоғистоннинг Остона, Олмаота, Қарағанда ва Атирауда яшайдиган 4 нафар фуқаросининг айтишича, бу сервисларга киришга уринишда "қурилма ўзини гўёки интернетга кириш йўқдек тутмоқда ва уларнинг тўсилиши ҳақида ҳеч қандай огоҳлантириш чиқмаяпти".

"Қозоғистонликлар орасида бу шошилинч чора мухолиф сиёсатчи Мухтар Аблязовнинг YouTube’да кўрсатиладиган интервьюси билан боғлиқ бўлиши мумкинлиги тахмини билдирилмоқда", деб айтмоқда интернет-нашр. 

16 декабрда Қозоғистонда Мустақиллик куни нишонланмоқда.