Тармоқда марҳум элчи Карловнинг ўлдирилиши тасвирланган янги видео пайдо бўлди

Интернетда Россиянинг Туркиядаги элчи Андрей Карловнинг ўлдирилишидан бир дақиқа аввал олинган янги видео пайдо бўлди. Ёзувда жиноятчининг элчига ҳужум қилишга қандай тайёргарлик кўрганини кўриш мумкин.

Аввалроқ, тармоқда жароҳат олган элчининг йиқилиши тасвирланган бошқа бир видео ҳам тарқалганди.

Эслатиб ўтамиз, Анқарада 19 декабрь куни қуролланган эркак Россиянинг Туркиядаги элчиси Андрей Карловга фотокўргазма очилишида ҳужум қилди. Дипломат олинган жароҳатлар оқибатида ҳаётдан кўз юмди. Қотил эса полиция томонидан отиб ўлдирилган. У яна уч кишини жароҳатлашга улгургани хабар қилинди. 

Террорчининг исми Мевлуд Мерт Олтинтош экани маълум қилинган. У Анқара полициясида бир неча йил давомида хизмат қилган, бироқ ҳодиса юз берган куни ўз хизмат вазифасини бажармаётган бўлган.