Қозоғистонда Путин ҳақида постлар ёзган 6 фарзанднинг отаси жавобгарликка тортилди
Қозоғистоннинг Ақтўбе шаҳри суди тадбиркор Санъат Дўсовни уч йилга озодликдан маҳрум этди. Бунга унинг Facebook ижтимоий тармоғида ижтимоий низо келтириб чиқаришга уриниши сабаб бўлган. Жиноий иш Россия президенти Владимир Путин ҳақидаги постлар туфайли қўзғатилган.
«Актобе Таймс»нинг таъкидлашича, Дўсов ўз постларида Путин «мамлакатни бузаётгани» ҳақида ёзиб, россияликларни «ўз ерларидаги фашизмни» тўхтатишга чақирган.
Ҳимоячининг фикрича, Дўсовнинг тармоқдаги саҳифаси бузиб кирилган бўлиши мумкин.
Тахминларга кўра, унга қарши жиноий иш изоҳларда у билан баҳслашган бошқа қозоғистонликнинг аризасига кўра қўзғатилган.
Баъзи маълумотларга кўра, Санъат Дўсов 46 ёшда бўлиб, олтита фарзанди бор.
Мавзуга оид
23:20 / 23.09.2024
Кремл Путиннинг янги ядровий ракеталари синови муваффақиятсиз кечганидан бехабар эканини маълум қилди
10:50 / 21.09.2024
Путин Шейнбаум инаугурациясида қатнашиш учун Мексикага бормайди
09:52 / 14.09.2024
ЕИ Путиннинг сўзларидан кейин Украина учун қурол бўйича ўз позициясини ўзгартирмади
18:00 / 13.09.2024