Фото: Испания полицияси қочқин йигитни чамадон орқали чегарадан олиб ўтмоқчи бўлган аёлни қўлга олди

Испания полицияси марокашлик аёлни қўлга олди. Daily Mail хабарига кўра, у чегарадан чамадонга кириб олган 19 ёшли габонлик йигитни олиб ўтмоқчи бўлганди.

Қайд этилишича, бу ҳодиса Марокаш билан чегарадош Сеута анклавида рўй берган. Сеута ва яна бир бошқа Мелилья анклавидан африкалик қочқинлар Европага ўтиб олиш учун ҳаракат қилишади. Кўп ҳолларда қочқинлар сувдан сузиб ўтишга ёки чегарада ўрнатилган 6 метр баландликдаги тўсиқларни бузишга уринишади.