![](http://storage.kun.uz/source/1/YYaaG1xXsu8MjZ7bADVe9v1zIpFCm_PH.jpg)
Маълумки, 23-27 январь кунлари Ўзбекистонни ривожлантиришнинг устувор йўналишлари бўйича лойиҳалар тақдимоти ва муҳокамасига доир медиаҳафталик бўлиб ўтмоқда. 26 январь мавзуси - ижтимоий соҳани ривожлантиришнинг устувор йўналишлари.
Ҳаракатлар стратегиясидан ўрин олган 4.3 бандидаги арзон уй-жойлар қуриш бўйича мақсадли дастурларни амалга ошириш борасида келгуси йилларда нималарни кутиш мумкин?
Арзон уйлар қуриш бўйича қишлоқ жойларида 3 турдаги лойиҳалар ишлаб чиқилган.
- 2 қаватли, 4 подъездли уйлар;
- 1 қаватли, ер участкаси 2 сотих бўлган уйлар;
- 2 қаватли, 4 сотихли қўшалоқ уйлар.
Шаҳарларда 5, 7 ва 9 қаватли уйлар лойиҳалари ишлаб чиқилди. Яна муҳим масалалардан бири - уйларнинг сифатли қурилишини таъминлаш эканлигига урғу берилди.
Беш йиллик стратегия давомида қишлоқ жойларда 85 мингдан ортиқ уй-жойлар қурилиши режалаштирилган. Биргина 2017 йилнинг ўзида 15 мингдан ортиқ уй-жой қуриш кўзда тутилмоқда.
Буларнинг барчаси аҳолини арзон, ўртача иш ҳақи оладиган кишилар учун ҳамёнбоп уй-жойлар билан таъминлаш мақсадида амалга оширилган. Мутахассисларимизнинг сўзларига кўра, янги тизим бўйича қурилган уйларни бюджет ташкилотларда ишлайдиган ходимлар бемалол харид қилишга ва 15 йил кредит тўловини тўлашга қурби етади.