Порошенко Россияга қарши санкцияларни кучайтиришни таклиф қилди

Украина президенти Пётр Порошенко агар Россия Минск келишувларини бажаришни рад этса, унда Украина Россияга нисбатан санкциялар сақланиб қолиши ва кучайтирилишини қўллаб-қувватлашини айтди. Бу ҳақда "112 Украина" телеканали хабар бермоқда.  

Порошенко бу ҳақда Германия канцлери Ангела Меркель билан Берлинда ўтган матбуот-анжуманида айтиб ўтди.

"Агар Минск келишувларига амал қилинмаса, биз Россияга қарши санкциялар сақланиб қолиши ва агар Германияга керак бўлса, уларни кучайтиришни қўллаб-қувватлаймиз", деб айтди Порошенко.

Порошенко Меркелга бу масаладаги қатъий ва принципиал позицияси учун миннатдорчилик билдирди. 

Аввалроқ Меркель Донбассда ўт очишни тўхтатиш тартиби деярли амал қилмаётганини айтганди.