Кремлда Путин ва Лукашенко учрашувида кўриладиган масалалар бўйича ойдинлик киритилди

Россия ва Беларусь президентлари Владимир Путин ва Александр Лукашенко Россия ва Беларусь Иттифоқ давлати саммити вақтида алоҳида учрашув ўтказиб, унда энергетик ҳамкорликни муҳокама қилишмоқчи. Бу ҳақда Россия президенти матбуот котиби Дмитрий Песков "Известия" нашрига маълум қилди.

"Владимир Путин ва Александр Лукашенконинг учрашуви Москвада февралнинг биринчи ярмида ўтиши мумкин, бу ерда Россия ва Беларусь Иттифоқ давлати олий давлат кенгаши йиғилиши бўлиб ўтади. Россия президенти матбуот котиби Дмитрий Песков бундай учрашув режалаштирилганини тасдиқлади ва унинг кун тартибига икки давлат энергетик ҳамкорлиги масаласи қўйилган", деб ёзган нашр. 

Нашрга Иттифоқ давлати доимий қўмитаси маъмуриятида маълум қилинишича, Путин ва Лукашенко учрашуви тайёргарчилик босқичида турибди, бироқ йиғилишнинг аниқ санаси бўйича ҳали бир тўхтамга келинмаган. "Россия қабул қилувчи томон сифатида йиғилишни 9 февралда ўтказишни таклиф қилди, бироқ Беларусь ҳозирча бунга тасдиқ жавобини бермади. Беларуснинг Россиядаги элчихонасида ҳам Минскдан якуний сана бўйича ахборот берилмагани маълум қилинди", деб айтилган хабарда.