АҚШ "Ал-Қоида"нинг иккинчи рақамли одамини йўқ қилди

"Ал-Қоида" террорчилик ташкилоти АҚШ бошчилигидаги халқаро коалиция Сурияда террорчилик ташкилотининг етакчиларидан бири Абу ал-Хайр ал-Масрийни йўқ қилганини тасдиқлади, деб хабар бермоқда Reuters ахборот агентлиги. 

Аввалроқ АҚШ разведкасидан бўлган амалдор ал-Масрий учувчисиз парвоз қурилмасининг зарбаси оқибатида йўқ қилинганини маълум қилган.

Разведка вакили маълумотларига кўра, 26 февралда Суриянинг шимолида Марказий разведка бошқармаси дрони ал-Масрий кетаётган машинага ракета билан зарба берган.

Террорчи "Ал-Қоида"да унинг етакчиси Айман ал-Завахирийдан кейин "иккинчи одам" ҳисобланган.