Россия ИШИДга қарши бир ўзи курашишга тайёр

Фото: ТАСC

Россия ҳаттоки АҚШсиз ҳам ИШИД террорчилик гуруҳига қарши курашни давом эттиришга тайёр, деб айтди ТАСС ахборот агентлигига Россия президенти матбуот котиби Дмитрий Песков.

"Москва шундоқ ҳам курашни давом эттирмоқда", деб жавоб берган Песков "Россия бир ўзи ИШИДга қарши курашни давом эттиришга тайёрми?" деган саволга.

Аввалроқ Associated Press (AP) ахборот агентлиги дипломатик манбаларга иқтибос келтирган ҳолда, АҚШ президенти Дональд Трамп Россия билан ИШИДга қарши биргаликда курашиш бўйича келишувга эришиш режаларини муайян вақтга ортга суриши мумкинлигини маълум қилганди.