Путин Сурия мухолифати Остонада яна учрашиш истагини билдирганини маълум қилди

Россия президенти Владимир Путин Қозоғистон президенти Нурсултон Назарбоев билан телефон орқали суҳбат ўтказди, деб хабар бермоқда Қозоғистон президенти сайти. 

Путин Назарбоевга "Сурия мухолифати ҳарбий бўлинмаларининг Сурия ихтилофини тартибга солиш бўйича Остонада навбатдаги учрашувни ўтказиш истагини" маълум қилган. 

Мулоқот вақтида Путин ва Назарбоев икки томонлама ҳамкорликнинг долзарб мавзуларини муҳокама қилишган. Улар Путиннинг Туркманистон ва Қирғизистонга сафари билан боғлиқ ҳолда минтақавий муҳим масалалар бўйича фикр алмашишган.