Дунёнинг 2017 йилдаги энг яхши аэропортлари аниқланди
Авиакомпаниялар ва аэропортлар бўйича консалтинг хизматини кўрсатишга ихтисослашган Skytrax компанияси навбатдаги тадқиқотини эълон қилди. Унда дунёнинг энг яхши аэропортлари бир неча йўналиш бўйича аниқланган. Сингапурнинг Чанги халқаро аэропорти бешинчи йилдирки дунёнинг энг яхши аэропорти номини ўзида сақлаб қолган.
"Беш йил давомида энг яхши номни сақлаб қолиш – аэропорт учун жуда ажойиб натижа, бу Чангининг хорижлик сайёҳлар орасида машҳурлигини исботлайди", - деган Skytrax раҳбари Эдвард Плэйстид. Сингапур ҳаво гавани бир вақтнинг ўзида Осиёнинг ҳам энг яхши аэропорти деб топилган. Бундан ташқари, "дам олиш учун қулайлик" йўналишида ҳам етакчиликни қўлга киритган.
Айтиш жоизки, ҳисоботга кўра, Осиёнинг яна икки аэропорти етакчи учликдан жой олган. Булар Токио Ханэда халқаро аэропорти ва Сеулнинг Инчон аэропортидир. Европа аэропортлари орасида энг юқори – тўртинчи ўринга Мюнхен аэропорти муносиб кўрилган.
Тадқиқот 105 давлатнинг 13,8 млн саёҳатчиларининг фикрини ўрганиш воситасида ўтказилган. Иштирокчилар дунё бўйича 550 аэропортни турли кўрсаткичлари бўйича баҳолаган. Булар орасида рўйхатдан ўтиш, келиш, иккинчи рейсга ўтиш, хавфсизлик тизими, дўконларнинг мавжудлиги ва кўплиги кабилар бўйича ўз фикрларини билдиришган.
Мавзуга оид
15:32 / 23.09.2024
Асалари заҳри таркибида саратонга қарши модда топилди
14:51 / 23.09.2024
Зайтун таркибидаги модда депрессияни даволашга ёрдам бериши аниқланди
20:25 / 19.09.2024
Москва аэропортларида хорижликлар учун янги қоидалар жорий этилади
22:58 / 17.09.2024