Андижон вилоятининг ҳокимининг янги ўринбосари тайинланди. Бу ҳақда вилоят ҳокимлиги сайтида маълумот берилган.
Унга кўра, Исмоилов Серобиддин Позилжонович вилоят ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари этиб тайинланди.
Серобиддин Исмоилов 1974 йилнинг 23 октябрь куни Андижон вилояти Олтинкўл туманида туғилган. Маълумоти олий. 1996 йилда Андижон давлат университети математика фани ўқитувчиси мутахассислигини тамомлаган.
Маълумот учун, вилоят ҳокимининг аввалги ўринбосари Нишонов Муҳаммаджон Содиқжонович Марҳамат тумани ИИБ бошлиғи этиб тайинланган.
