Сирдарё вилояти ҳокимининг янги ўринбосари тайинланди

Сирдарё вилояти ҳокимлигида ижтимоий соҳа, маънавият-маърифат тизими вакиллари, ёшлар иштирокида йиғилиш ўтказилди. Бу ҳақда ҳокимлик ахборот хизмати хабар берди.

Йиғилишда вилоят ҳокими Ғофуржон Мирзаев Ўзбекистон Республикаси Олий Мажлиси Қонунчилик палатаси депутати, Ўзбекистон Республикаси Олий Мажлиси Қонунчилик палатаси демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитасининг аъзоси Отабек Абдуҳамидович Абдуғаниевни Сирдарё вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари вазифасига тайинланганлиги тўғрисидаги қарорни ўқиб берди.

“Отабек Абдуғаниев билдирган ишончни оқлашга, бор куч ва билимини вилоятда соҳани ривожлантириш учун сарфлашга сўз берди”, - дейилади хабарда.