Sirdaryo viloyati hokimining yangi o‘rinbosari tayinlandi

Sirdaryo viloyati hokimligida ijtimoiy soha, ma'naviyat-ma'rifat tizimi vakillari, yoshlar ishtirokida yig‘ilish o‘tkazildi. Bu haqda hokimlik axborot xizmati xabar berdi.

Yig‘ilishda viloyat hokimi G‘ofurjon Mirzayev O‘zbekiston Respublikasi Oliy Majlisi Qonunchilik palatasi deputati, O‘zbekiston Respublikasi Oliy Majlisi Qonunchilik palatasi demokratik institutlar, nodavlat tashkilotlar va fuqarolarning o‘zini o‘zi boshqarish organlari qo‘mitasining a'zosi Otabek Abduhamidovich Abdug‘aniyevni Sirdaryo viloyati hokimining yoshlar siyosati, ijtimoiy rivojlantirish va ma'naviy-ma'rifiy ishlar bo‘yicha o‘rinbosari vazifasiga tayinlanganligi to‘g‘risidagi qarorni o‘qib berdi.

“Otabek Abdug‘aniyev bildirgan ishonchni oqlashga, bor kuch va bilimini viloyatda sohani rivojlantirish uchun sarflashga so‘z berdi”, - deyiladi xabarda.