Лондон марказидаги теракт қурбонлари сони ортмоқда, камида 20 киши жароҳатланган

Лондондаги воқеаларга бағишланган брифинг чоғида полиция шу вақтгача теракт қурбонлари сони 4 нафарни ташкил этаётгани, камида 20 киши жароҳатлангани ҳақида маълум қилди.

Шунингдек, ҳужумни уюштирган шахс ёлғиз бўлгани ҳақидаги маълумот тасдиқланган.

Қурбонлардан бири полициячи, террорчи автомобилдан тушиб, унга пичоқ билан ташланганди. Яна бир қурбон эса террорчининг ўзи. Бундан аввалроқ кўприкда икки киши ҳалок бўлгани тасдиқланганди.