Тошкентда фоҳишалик билан шуғулланган 32 нафар аёлга маъмурий таъсир чоралари кўрилди

Тошкент шаҳрида 16 мартдан 23 мартгача фоҳишахона сақлаш ва қўшмачилик қилиш, фоҳишалик билан шуғулланиш, жамоат жойларида спиртли ичимликлар истеъмол қилинишини олдини олиш мақсадида профилактик тадбирлар ўтказилиши давом эттирилган. Бунинг натижасида: 11та фоҳишахона сақлаш ва қўшмачилик қилиш жиноятлари аниқланиб, Жиноят кодексининг 131-моддаси, яъни фоҳишахона сақлаш ва қўшмачилик қилиш аломатлари билан жиноят ишлари қўзғатилди. Бу ҳақда Тошкент ИИББда бўлиб ўтган матбуот брифингида маълум қилинди. 

Фоҳишалик билан шуғулланиб келаётган 32 нафар ва жамоат жойларида спиртли ичимлик истеъмол қилган 528 нафар шахсларга нисбатан маъмурий таъсир чоралари кўрилди.