Эрон яна 1:0 ҳисобида ғалаба қозониб мундиалга энг яқин терма жамоалардан бирига айланди

Ўзбекистон терма жамоасининг ЖЧ–2018 турнирига саралаш босқичи А гуруҳидаги рақиблари Эрон ва Хитой терма жамоалари 7-турда ўзаро тўқнашди.

Теҳрондаги “Озоди”майдонида бўлиб ўтган ўйинда Эрон терма жамоаси кичик – 1:0 ҳисобида устун келди. Учрашувдаги ягона голга 46-дақиқада Меҳди Тареми муаллифлик қилди.

Мазкур учрашувдан кейин Эрон терма жамоаси 17 очко билан А гуруҳида пешқадамликни мустаҳкамлаб олди. Эътиборли жиҳати Карлос Кейруш шогирдлари гуруҳдаги аввалги 6 турдан 5 ўйинда 1:0 ҳисобида ғалаба қозонган, яна бир учрашувда 0:0 ҳисоби қайд этилган. Хитой термаси эса 5 очко билан ҳозирча сўнгги – 6-ўринга пастлади.

Аввалроқ А гуруҳдаги бошқа рақиблар – Жанубий Корея терма жамоаси Сурияни 1:0 ҳисобида мағлубиятга учратгани ҳақида хабар берилганди.

ЖЧ–2018 саралаши, 7-тур
Эрон – Хитой 1:0
Гол: Меҳди Тареми (46)
Огоҳлантиришлар: Иззатуллоҳ (37), Шожаи (39), Жаҳонбаҳш (61)