Путин Россиянинг АҚШдаги сайловларга аралашуви ҳақидаги саволга жавоб берди

Россия президенти Владимир Путин Арктика форумидаги чиқиши вақтида Россиянинг АҚШдаги сайловларга аралашгани эҳтимолини рад этди.

Ундан Россия қачондир АҚШдаги сайловлар натижасига таъсир кўрсатишга уринганми дея сўрашганида, у шундай жавоб қайтарган: «Лабларга қараб ўқинг: No (йўқ — ингл.)».

У шунингдек, Россия АҚШга бир неча марта киберхавфсизлик соҳасида ҳамкорлик қилишни таклиф этгани, аммо ижобий жавоб олмагани ҳақида қўшимча қилган.