Дубай амирининг ўғли, валиаҳд шаҳзода Ҳамдан ибн Муҳаммад Ал Мактум саҳродаги ҳайдовчининг юк машинасини тортиб чиқаришга ёрдам берди.
Ҳамдан ўзининг Mercedes-Benz русумли автомобилига арқон улаб, қумга ботиб қолган юк машинани тортиб чиқаришга уринди. Арқон бир неча маротаба узилиб кетишига қармай, катта юк машинани қумли қопқондан олиб чиқишга муваффақ бўлишди.
Instagram'га қўйилган видео 4 кун ичида 54 минг мартадан ортиқ кўрилган.
Ҳамдан ибн Муҳаммад Ал Мактум Дубай амири Муҳаммад ибн Рашид Ал Мактумнинг ўғлидир. 2008 йилдан бери у Дубайнинг валиаҳд шаҳзодаси саналади. Кўп вақти ва пулларини хайрия ишларига сарфлайди.
