"Изсиз йўллар": Хайрулла Ҳамидовнинг янги китоби босмадан чиқди

Таниқли шоир, шунингдек, мухлисларга футбол шарҳловчилиги билан таниш ижодкор Хайрулла Ҳамидов ўзининг иккинчи китобини босмадан чиқарди.

"Изсиз йўллар" деб номланган янги китобдан шоирнинг янги шеърлари ўрин олган. Китоб қаттиқ муқовада 400 бетга яқин ҳажмда, "Наврўз" нашриёти томонидан чоп этилган. Китобда шоирнинг 300 дан зиёдроқ янги шеъри берилган.

Янги китобни назм шайдолари пойтахтимиз ва вилоят марказларидаги китоб дўконларидан харид қилишлари мумкин — душанба кундан кенг савдога чиқарилди.

Эслатиб ўтамиз, ўтган йили шоир Хайрулла Ҳамидовнинг "Суянчиқ" деб номланган биринчи шеърий китоби босмадан чиққан эди.