Мессига «Барселона»нинг ўйини ёқмаяпти

«Барселона» ҳужумчиси Лионель Мессига жамоа кўрсатаётган ўйин сифати ёқмаяпти, дея хабар бермоқда Tribuna.Uz.

Манба берган хабарга кўра, аргентиналик футболчи бу ҳақда жамоадаги шериги Луис Суаресга, Испания чемпионатининг 32-туридан ўрин олган «Реал Сосьедад»га қарши учрашувдан кейиноқ маълум қилган. Ўша учрашувда Месси дублга эришган ва битта голли узатма муаллифи бўлиб, жамоасининг 3:2 ҳисобидаги ғалабасини таъминлаганди.

Ҳозирги вақтда «Барселона» Испания чемпионати турнир жадвалида 2-ўринда бормоқда. Жамоа ҳисобида 72 очко мавжуд ва улар «Реал»дан битта учрашув кўп ўтказган ҳолда 3 очко ортда қолмоқда. 33-турда «Барселона» айнан «Реал»га қарши учрашувда майдонга тушади. Учрашув 23 апрель куни бўлиб ўтади.