«Бавария» футболчилари «Реал»га қарши ўйиндан кейин ҳакам хонасига бостириб киришган

«Бавария» футболчилари Артуро Видаль, Роберт Левандовски ва Тиаго Алькантара Чемпионлар Лигасининг «Реал»га қарши жавоб учрашувидан (4:2) сўнг ҳакамлар хонасига бостириб киришган. Бу ҳақда sport.es нашри хабар тарқатди.

Манбага кўра, футболчилар ҳакамларнинг ортидан ечиниш хонасига кириб борган ва уларга таҳдид қилган. Қайд қилинишича фақатгина полиция кўмагида жанжал бартараф этилган.

Учрашувдан кейин ҳакамнинг қарорлари бўйича, жумладан Видалнинг қизил карточкаси ва Роналдунинг офсайддан урган иккита голи бўйича тортишувлар юзага келганди.