Венесуэлада норозилик намойишларида қатнашган 150 нафардан ортиқ киши қамоқ жазосига ҳукм қилинди

Венесуэлада президент Николас Мадурога қарши норозилик акцияларида иштирок этган 150 нафардан ортиқ киши қамоқ жазосига ҳукм этилди. Бу ҳақда “Венесуэла жиноий форуми” нодавлат ташкилоти раҳбари Гонсало Имиоб ўз твиттерида хабар берган.

“Ҳарбий судлар олдида жавоб берган фуқаролар (237), ҳамда расман қамоқ жазосига маҳкум этилган шахслар (155) сони ошди”, - деб ёзган у.

Аввалроқ Венесуэлада таниқли дизайнер ва модельер Каролина Эрреранинг қариндоши ўлдирилгани ҳақида хабарлар тарқалганди.

34 ёшли тадбиркор Рейнальдо Хосе Эрреранинг жасади 11 май куни кечқурун топилган. Шунингдек яна бир тадбиркор ўлдирилган, унинг жасади ҳам ўша ерда аниқланган.