«ПСЖ» Франция Кубоги учун «Анже»га қарши ўйнади. Сен-Денидаги «Стад де Франс» стадионида кечган учрашув парижликлар жамоасининг 1:0 ҳисобидаги ғалабаси билан якунланди ва «ПСЖ» қаторасига учинчи марта Франция Кубоги соҳиби бўлди.
Сўнгги дақиқада «Анже» футболчиси Исса Сиссоко ўз дарвозасини ишғол этиб қўйди ва шу гол ўйин тақдирини ҳал қилди.
Шу тариқа, «ПСЖ» 11-марта Франция Кубоги соҳиби бўлди ва бу борада «Марсель»ни ортда қолдирди (10). Ушбу совринга «Сент-Этьен» ва «Лилль» жамоалари 6 мартадан эга чиққан.
Франция кубоги. Финал
Анже – ПСЖ 0:1 (0:0)
Гол: 0:1 – 90, автогол Сиссоко.
Анже – Летелье, Сиссоко, Тома, Траоре, Манко, Ндойе, Мангани, Сантамария, Пепе (Те, 84), Дьедиу (Бамба, 63), Токо-Экамби.
ПСЖ – Ареоля, Максвелл, Маркиньос, Тиаго Силва, Орье, Ди Мария, Верратти, Матюиди, Мотта, Дракслер (Пасторе, 72), Кавани.
Огоҳлантиришлар: Ди Мария (42), Орье (45), Дьедиу (57), Траоре (68).
