Хитойда юқори қаватлардан тушиб кетган тошбақа автомобилни яроқсиз ҳолга келтирди
Хитойнинг Ганьчжоу шаҳрида 26-қаватдан тушиб кетган тошбақа Toyota Camry автомобилининг пачоғини чиқариб, уни яроқсиз ҳолга келтирди. Бу ҳақда Daily Mail нашри хабар бермоқда.
Машина эгаси автоуловининг томи пачоқлангани ва орқа ойнаси синганини кўргач, бу ҳақда полицияга хабар берган. Полициячилар машина ёнида ўлик ҳолдаги Узоқ Шарқ тошбақасини аниқлашган.
Аниқланишича, тошбақа машина қўйилган жой ёнидаги уйда яшовчи аёлга тегишли бўлган. Аёлнинг айтишича, у тошбақани ошхонада қолдириб кетган.
Аёл бу ҳодисада унинг айби йўқлигини айтиб, машинанинг таъмирланишига кетадиган сарф-харажатларни қоплашдан бош тортган.
"Тошбақани мен улоқтирмаганман-ку. У ўзи тушиб кетган", деб айтган аёл.
Полицияда икки томонга бу масалани юридик йўл билан ҳал қилиш таклиф қилинган.
Мавзуга оид
12:54 / 05.10.2024
Ҳиндистонлик эркак ноодатий автомобиллар коллекцияси билан Гиннеснинг рекордлар китобига кирди
17:30 / 14.09.2024
“Фарҳод” чегара постида 400 дона тошбақани олиб кетаётган Тожикистон фуқароси тўхтатиб қолинди
20:12 / 30.07.2024
Тошбақа оғзига нос солган фуқаролар жазоланди
17:04 / 11.05.2024