Бекободда Дамас ва Нексия тўқнашиб кетгани оқибатида бир қиз ҳалок бўлди

Тошкент вилояти Бўка-Бекобод йўлининг 88 километрида даҳшатли автоҳалокат рўй берди. Унда Дамас ва Нексия русумли енгил автомашиналар ўзаро тўқнашиб кетгани оқибатида 2003 йилда туғилган қиз, 7-синф ўқувчиси ҳаётдан кўз юмган. Унинг онаси оғир тан жароҳати олган. Республика ИИВ ЙҲХББ вакили Кун.uz сайтига маълум қилди. 

Унинг сўзларига кўра, воқеа бўйича дастлабки суриштирувларга кўра, Дамас йўлнинг қарама-қарши томонига чиқиб кетган. Бунинг оқибатида иккала тўқнашган машина ҳам ёниб кетгани хабар қилинмоқда. 

Шу билан бирга, вазирлик вакили ҳайдовчилар тақдири қандай эканига ойдинлик киритмаган. Суриштирув ишлари олиб борилмоқда.