АҚШ конгрессида Трампга импичмент эълон қилишга тайёргарлик кўрилмоқда

АҚШ конгресси вакиллар палатаси аъзоси Эл Грин АҚШ президенти Дональд Трампга импичмент эълон қилишга илк уринишга материаллар тўпламоқда. Бу ҳақда The Hill нашри хабар бермоқда. 

Конгрессмен Грин Трампга қарши айбловларни 7 июндаёқ тақдим қилмоқчи.

Нашр маълумотларига кўра, Гриннинг Трампни президент лавозимидан олиб ташлашга уриниши муваффақиятли тугашига имконият жуда кам, чунки конгресснинг иккала палатаси ҳам республикачилар томондан назорат қилинади. Трампнинг партиядошлари у билан баъзи зиддиятларга эга бўлсалар-да, умуман олганда унинг ҳаракатларини қўллаб-қувватлайдилар ва у билан умумий қарашларга эгалар.  

Гриннинг фикрича, Трампни истеъфога жўнатиш учун унинг ФҚБнинг собиқ директори Жеймс Комини лавозимидан бўшатиш қарори сабаб ҳисобланади.