Фуқаролар беш метрли тимсоҳни боғлаб қўйиб, ҳукуматга топширишди (видео)

Шри-Ланкадаги Акуресс шаҳри аҳолиси 4,5 метрли узунликка эга тимсоҳни боғлаб қўйиб, ёввойи табиатни муҳофаза қилиш маҳаллий департаментига топширишди. Рўй берган ҳолат тасвирланган видеоёзув Hiru News янгиликлар порталининг YouTube’даги каналида 5 июнь куни эълон қилинди. Икки кун ичида ролик 24 минг маротаба кўрилган.

Hiru News’нинг таъкидлашича, йиртқич ҳайвонни маҳаллий қишлоқ фуқароларидан бири пайқаган ҳамда у бу ҳақда ҳамқишлоқларини хабардор этган. Тимсоҳ топширилган департамент ходимлари уни табиат қўйнига қўйиб юборишлари керак эди.