Фотобомба: Россиянинг Су-27 қирувчиси Америка бомбардимончилари йўлини қандай тўсди?

АҚШ мудофаа вазирлигининг Twitter’даги саҳифасида Америка бомбардимончилари Болтиқ денгизи устида Россиянинг Су-27 самолёти томонидан тутиб олиниши тасвирланган кадрлар эълон қилинди. Маҳкамадагилар суратларни фотобомба, деб аташди ҳамда тўсиш жараёни хавфсиз бўлганини таъкидлаб ўтишди.

9 июнь кунги Baltops машқлари давомида олинган кадрларда Россиянинг Су-27 қирувчи самолёти тасвирланган, у B-52 бомбардимончиси, иккита B-1B Lancer товушдан тез ҳаракатланувчи бомбардимончиси, шунингдек KC-135R ёқилғи қуйиш самолётидан иборат бўлган гуруҳга ҳамроҳлик қилган, деб хабар бермоқда CBS News.

#Photobomb! A #Russian Su-27 Flanker got into our shot 📸 during a #BALTOPS sortie over the #BalticSea today. The intercept was deemed safe. pic.twitter.com/SMwGfE2QYr
— U.S. Dept of Defense (@DeptofDefense) June 9, 2017

Аввалроқ Пентагон расмий вакили Жефф Дэвис Россиянинг Су-27 самолёти KC-135R йўлини тўсгани ҳақида хабар берди. Унинг таъкидлашича, бундай ҳаракат хавфсиз бўлган.