Таниқли ошпаз Лондондаги ёнғиндан жабрланганларни ресторанига таклиф қилди

Таниқли ошпаз Жейми Оливер Лондон ғарбидаги ёнғинда жабрланганларни ўз ресторанига таклиф қилди. У ёниб кетган уй ёнидаги савдо марказида жойлашган.

Лондон ғарбидаги 24 қаватли турар жой биносида ёнғин чоршанбага ўтар кечаси юз берди. Ёнғин натижасида жабрланган тахминан 74 киши шифохонада қолмоқда. камида олти киши ҳалок бўлган. Ўт ўчириш хизмати ходимларининг хабар беришича, тахминан 120 оила ёнғиндан жабр кўрган бўлиши мумкин, хавфсиз жойга кўчирилган фуқаролар яқин орада жойлашган жамоат марказлари, масжидлар ва черковларда жойлаштирилди.

"Ушбу даҳшатли ёнғин сабаб жабр кўрган барча 100 оила. Ресторанимга таклиф қиламан, сиз итальянча ошхонага ихтисослашган жамоам томонидан ажойиб, мазали таомлар ва ичимликлар билан сийланасиз. Биз шу яқин ерда, Westfield савдо марказида жойлашганмиз", - дея ёзди Оливер Instagram’да.

"Сиз учун таомлар ва ичимликлар бепул, сиз менинг менежерим Хуан билан гаплашсангиз бўлди, ҳамда бизни ҳаммасини уюштирамиз. Ёнғин қурбонлари сабаб мотамдамиз", - дея қўшимча қилиб ўтди машҳур бош ошпаз.

Фавқулодда ҳолат рўй берган ерда ишлар яна камида 24 соат давом этади. Ўт ўчириш хизмати ходимлари 10 соатдан бери оловни ўчиришга уринмоқда.