Елисей майдонида полицияга ҳужум қилинди

Париж марказида, Елисей майдонида номаълум шахс автомобили билан полициячилар микроавтобусига келиб урилди.

Ушбу ҳодисадан кейиноқ ҳуқуқ-тартибот органлари ходимлари махсус амалиёт бошлашган. Улар Мариньи театрини ўраб олишган ва одамларни эвакуация қилишган. Шунингдек, Рон-Пуэн майдонига қадар йўл ёпиб қўйилган.

Микраавтобусга келиб урилган автомобиль ҳайдовчиси олинган жароҳатлар туфайли жон берган. Унинг шахси аниқланди: полиция маълумотига кўра, 33 ёшли бу шахс терроризмга алоқадорлиги гумон қилинувчиларнинг «S рўйхати»да бўлган. Унинг автомобилидан газ баллони, Калашников автомати, тўппонча ва ўқдонлар топилган.