Қўшимча функционаллар
-
Тунги кўриниш
Жаҳон | 00:18 / 25.06.2017
6322
1 дақиқада ўқилади
Хитойдаги кўчки оқибатида ҳалок бўлганлар сони 15 кишигача ошди
Фото: REUTERS / China Daily
Хитойнинг Сичуань вилоятида кўчки юз бериши оқибатида камида 15 киши ҳалок бўлди, 120 дан кўпроқ одам бедарак йўқолган деб ҳисобланмоқда. Бу ҳақда "Синьхуа" ахборот агентлиги хабар бермоқда.
Ахборот агентлиги маълумотларига кўра, қутқарувчилар вайроналар остидан 15 кишининг жасадини чиқариб олишган. Аввалроқ 5 киши ҳалок бўлгани маълум қилинганди.
Кўчки Моасянь уездининг Деси аҳоли пункти яқинида 24 июнь эрталаб юз берган ва 62 та уйни босиб қолган.
Хитой раиси Си Цзиньпин қурбонлар сонини камайтириш учун қидирув ишларини фаоллаштиришни буюрган.
Айни вақтда омон қолганларни қидиришда мингдан кўпроқ одам иштирок этмоқда.
