АҚШ Сурияда янги кимёвий ҳужумга тайёргарлик кетаётгани борасида далилларни тақдим этмайди

АҚШ давлат департаменти расмий вакили Хизер Науэртнинг маълум қилишича, мамлакат маъмурияти Сурияда кимёвий қурол қўлланилишига тайёргарлик олиб борилаётгани борасидаги далилларни тақдим этмайди.

«Улар (далиллар) очиқланмайди, сабаби бу разведканинг иши. Барчангизга маълумки, баъзида шундай ҳолатлар пайдо бўладики, улар ҳақида батафсил маълумотни келтиришимиз мумкин эмас. Бироқ, улар Қўшма Штатлар ҳукумати эътиборини ўзига тортмоқда», - дея таъкидлаб ўтди у.