Япония 2030 йилгача Ойга фазогирларни қўндирмоқчи
Япония 2030 йилгача Ойга фазогирларни қўндиришни режалаштирмоқда. Бу ҳақда Япониянинг аэрокоинот тадқиқотлар агентлиги (JAXA) маълум қилди.
Kyodo ахборот агентлигининг маълум қилишича, бу ҳақда Япония таълим, маданият, спорт, фан ва технологиялар вазирлигида ўтган коинот тадқиқотларининг истиқболларига бағишланган анжуманда айтилган. Таъкидланишича, JAXA шунингдек АҚШнинг Ой орбитасида янги коинот станциясини қуриш лойиҳасини амалга оширишда иштирок этмоқчи.
Инсоннинг Ойга илк қўндирилиши 1969 йил 21 июлда АҚШ томондан "Аполлон" дастури доирасида амалга оширилган. "Аполлон-11" коинот кемаси бортида Ойга фазогирлар Нил Армстронг, Майкл Коллинз ва Базз Олдрин йўл олганлар. Улар Ойга 8 кунда етиб олгач, Ойга қўнган жойларида АҚШ байроғини, илмий асбоблар мажмуасини ўрнатишган ва Ой тупроғидан 21,55 кг намуна йиғиб тушишган.
Мавзуга оид
12:00 / 24.10.2024
Япония ТИВ раҳбари Эронни вазминликка чақирди
20:08 / 19.10.2024
Япониялик эркак бош вазир қароргоҳига бостириб киришга уринди
11:40 / 19.10.2024
Японияда биринчи марта 50 йилдан ортиқ ишлаётган АЭС реактори фаолиятига рухсат берилди
23:34 / 18.10.2024