Венесуэладаги намойишлар вақтида ҳалок бўлганлар сони 90 нафарга етди

Венесуэла бош прокурори Ортега Диас 4 июнда мамлакатда бир неча ойдан бери давом этаётган норозилик намойишлари вақтида ҳалок бўлганлар сони 90 нафарга етганини маълум қилди.  

"Бугунги кунгача намойишлар вақтида 90 киши ҳалок бўлди, 4658 киши тергов остида қолмоқда", деб айтди Ортега ижтимоий тармоқлар орқали намойиш қилинган матбуот-анжуманда.  

Венесуэлада олий суднинг мухолиф миллий ассамблея ҳокимиятини жиддий чеклаш қароридан кейин 3 ойдан бери оммавий норозиликлар давом этмоқда. Қарор бекор қилинганига қарамасдан, намойишчилар суд аъзоларининг истеъфога кетказилишини ва муддатдан аввалги сайловлар ўтказилишини талаб қилмоқдалар.