Ҳарбий зиддиятлар Сурия иқтисодиётига етказган зарар миқдори маълум қилинди

Фото: © РИА Новости

2011 йилдан буён давом этиб келган ҳарбий можаролар Сурия иқтисодиётида кутилган ЯИМ ўсиши ва амалда кузатилган ўсиш ўртасидаги фарқ 226 миллиард доллар бўлишига олиб келди. Бу ҳақда Жаҳон банки ҳисоботида келтирилган.

Банк таҳлилчилари инфратузилмаларнинг вайрон бўлишидан кўра, ижтимоий-иқтисодий алоқаларнинг барбод бўлиши ҳалокатлироқ кечганини қайд этишган.

Аввалги тадқиқотларга кўра, урушгача бўлган даврда Сурия ЯИМи 60 миллиард доллар экани айтилганди, ҳозирда бу миқдор 24 миллиард доллардан ортиқ эмас.

#Жаҳон банки #Сурия иқтисодиёти

Сурияда 2011 йилда бошланган фуқаролар уруши мамлакатни бир неча қисмларга бўлиб ташлаган. Сурия ҳукумати, ИШИД, курдлар ва бошқа турли жангари гуруҳлар ўртасидаги қуролли тўқнашувлар ҳамон давом этмоқда.