Месси ва Роналду кетидан Мейвезер ҳам солиқ машмашаси гирдобида

Фото: AP

АҚШ солиқ бошқармаси америкалик боксчи кичик Флойд Мейвезерни 2015 йилда 22,2 млн доллар миқдоридаги солиқларни тўламаганликда айблади, деб хабар бермоқда AP.

Ўша йили спортчи ўз фаолиятидаги энг машҳур жанглардан бирини ўтказиб, филиппинлик Мэнни Пакьяони таслим этганди. ОАВ маълумотига кўра, америкалик ушбу жанг учун 200 млн доллардан кўпроқ маблағ ишлаб олган.

Кичик Мейвезернинг айтишича, 2015 йилда 26 млн долларлик солиқларни тўлаган. У "агарда қандайдир муаммолар бўлганида, аввалроқ хабардор этишарди" деган.