Истанбул метроси кучли ёмғирлар туфайли сув остида қолди

Туркиянинг Истанбул шаҳридаги метронинг бир неча бекатлари кучли ёмғирлар сабаб сув остида қолди. Бу ҳақда Habertürk газетаси хабар бермоқда.

Таъкидланишича, ер усти транспорти иши ҳам тўхтаб қолган.

Бундан ташқари, кучли ёмғирлар ҳаво транспорт ҳаракатига ҳам таъсир кўрсатди: кўплаб авиарейслар ноқулай об-ҳаво туфайли вақтида парвоз қила олмади.

Аввалроқ Японияда бутунбошли шаҳар аҳолиси кучли ёмғир туфайли эвакуация қилингани хабар берилганди.